About Me

My photo
දනිමි මම මා නොවන වග, මට මා හමුනොවන සඳ, විනිවිදිමි ගණදුර, එළිය පහනක නොතිර බව තුළ.

Saturday, March 30, 2019

#27: සමානයා

පළමුව මට මාද 
දෙවනුව මට නුඹද 
තෙවනුව නිවහනද 
අහිමිව ගිය සඳ;
සැරි සරමි ඔබ මොබ 
නොමළ, මළ මිනිසෙක්ව.
අහෝ කම් නැත ,
අහිමි වී ඇත, මීටත් වැඩි දෑ ...
එහෙයින්,
විඳිමි ..විනිවිඳිමි 
වික්ෂිප්ත වූ දසුන් .

Sunday, February 17, 2019

# 26: අනේ අපිටත් කිරි දෙන්න කාමරයක්


කැ කෑ රෙනා  ඉරමල යට - දහදිය කදුලින් හැඩවෙන
සෙනෙහෙලතා , විනීතලා - මඟ දිග බොහොමයි

උන්ගේ අතේ හිඳ නැළවෙන - පියොවුරු සිඹ කුස පුරවන
අවිහිංසක කිරි දරුවන් - පුරවර එමටයි
රෝහල මංකඩ රැස් කන- හේනේ කුඹුරේ දෙස් දෙන
කිරි වියළුණු  මවක සුසුම - තන පොට හඳුනයි
තුරු සෙවනක, බස් අසුනක - ගිජු ඇස් අභිමුව සැඟවෙන
තවත්  ළඳක පෙව් කිරි කඳ - සෙනෙහස සේමයි

සීතල කුටියක ගැවසෙන - සුවබර විමනක යන එන
අයිතිය ගැන යුදට වැදෙන - නෝනලා බොහොමයි
දරුවන් ඇකයේ නැතුවට - කිරි බිඳු තන අග නැතිවට
කිරිදෙන්නට ඔෆීසියේ - තැනකුත් උරුමයි
උන් හැම හඬ ගා පවසන - නිදහස් අයිතිය කාහට
විඳිනු  කුමට විඳවන හෙට - කදුළක් විමසයි .













සංවර්දනය වෙනුවෙන් කැපවුණු ඉහල පෙලේ ආයතනයක සිටින බුද්ධිමත් කාන්තාවන්, කිරි දීමට ස්ථානයක් ඉල්ලති. කිසිවෙකුත් කිරිදරුවන් රැගෙන රැකියාවට නොපැමිණෙන  හෙයින්ද , මහජනයා  මෙම ස්ථානය අභ්‍යන්තරයට නොපැමිණෙන හෙයින්ද එවැනි කාමරයක් කුමකටදැයි මට තවමත් අපැහැදිලිය .

නමුදු ඔබට අනුව එය අවශ්‍යතාවය නොව අයිතිය පිලිබඳ සංකේතයකි.
අදිකරණය වෙත යොමු කිරීමට පෙර යුෂ්මතිය සමාව භජනය කරයි.
ස්ත්‍රී පුරුෂ සමාජ බාවය පිලිබඳ සටනට .........................

Wednesday, February 13, 2019

# 25: වෙඩි නොවදින යට ඇඳුම

ශේෂා කියන්නේ - හින්දේරී කළු කෙල්ලෙක් 
ඇස් දෙකම හිනා උනත් - යටි තොල වෙව්ලනවා පොඩ්ඩක් 

ඇඟටම ඇළුනු  ගවුමෙම  - මල් පහක් ගෙත්තම් කරලා තිබුණත් 
සැරටම හමන සුළඟට - කොනකින් එසවුණා හවසත් 

එන්චාන්ටර් සුවඳත් - දාඩිය පිපුණු පපුවත් 
වටොර දඟ යුගලත් - මතකේ රැඳවුනි සිනහ මුහුණත් 

කවුරුන් කොහොම කිව්වත් - හොරෙන් හිතුවෙම අනග  පැතුමක් 
එහෙම බව දැනුණත් - ගත්තේ නෑ ඇය දණට ගණනක් 

කපුටන් නොදුටුවත් - සුළඟ දුටුවලු  වෙනම කරුණක් 
ලොවටම මොකක් පෙනුනත් - ඒකි ඇන්ඳෙම , 
වෙඩි නොවදිනා යටෑදුමක්