සදාදර අසඩක් ,
හන්තාන පුරහඳ - රාහු ගිලගත් බව
අල්තාරය අභියස - මිමිණුවා මතකද
බිඳුණු හද අතින් ගෙන - ඉරුණු සළු පොටින් ඔබ
නිරුවත් ආත්මය - එළිකළා නුඹට මම
පස් වසක් ගත්තත් - උඹට නෑ හයියක්
පසදින්න කිසිවක් .......................
උඹෙයි අසරණකම - දිරිය ගැහැනියක ළඟ
සමච්චල් නොකරමිය - ඉතින් නුඹ හට තවත්
සිනහ පා නික්ම යමි - ඔබගේ ද්වාරයෙන්
මිළට ගෙන යුක්තිය - නොනමා හිස සිතින්
ඉතින් අපි සමු ගනිමු; මන්ද;
අවැසි මට සරසන්න
නුඹ සුදු කළ මගේ කෙස්
නෙක වර්ණයෙන්;
මඳ පවනක්ව හමන්නට පෙර
මීට ඔබේ අවංක,
පැමිණිලි කාරිය
(06 අගෝස්තු 2018)