විසිරෙනා දිය පබළු - ඇවිළෙනා දියඹ ළඟ
වෑ බැම්ම වැළඳගත් - අම්බපාලිය නුඹය
තනි ඉවුර සීරුවට -නුඹගේ බඳ ඉම්බාට
කඩවර යනෙන මඟ - උඹට බය සැක කිමද ?
වංගුවේ සැඟවෙනා - දිය කළියෙ මහිමයට
දොස්මුර සතක් මැද - මඩ කහට නොමැති ගත
තහංචිම දහයකට - ආ වැඩුව පෙරදිනෙක
වන සතුන්, නෙක රුපුන් - සැනසුවා ඉඩෝරෙට
පවුරු කඩ ඉම නොමැති - දකුණු දිග දිය දෑල
හෙමි හෙමින් සැඟවුනා - කෙතට දියවර නැමද
සිහිල සීමා නොකළ - ළඳකගේ සෙනෙහෙ දිය
තෙත් කළා ඉරි තැළුණු - නොහික්මුණු කෙත් කඳුළ ....
අති පැරැණි යෝධ ඇළ සැබැවින්ම ඇළක් නොව සැතැපුම් 54ක් දිගට කලා වැවේ සිට තිසා වැව දක්වා පිහිටු වූ දික් වැවක් යැයි කිව හැකි තරමට එහි නිර්මාණය අපූර්වත්වයෙන් පිරී තිබේ. වසර පන්දහසක් තරම් අතීතයට දිව යන දේශීය වාපි හා වාරි ශිල්පයේ මහිමය මූර්තිමත් කෙරෙන අද්විතීය නිර්මාණයක් වූ යෝධ ඇළේ ඉතිහාසය යෝධ ඇළ තරම්ම දිගය. ඒ අරුම හඟින සැම වෙත
No comments:
Post a Comment
සංචාරයේදී හමු උන ඔබේ ගමනට සුබ පැතුම්, පුංචි හරි ඉඩක් තියෙනවනම් වචනයක් දෙකක් කියල යන්න. ඒක මට ගොඩාක් වටිනවා. නොලියා ගියත් අමනාපයක්නම් නෑ .